မျှတသူလေး မယ်သစ်လွင်
ဘက်လိုက်မှု ရှောင်ကြဉ်
ကိုယ်ချင်းစာကာ မေတ္တာပေး
နားလည်တတ်သူလေး
မနီကလေးပန်းပန်ချင်
ပန်းဥယျာဉ်ကိုဝင်
သူငယ်ချင်းများတူညီစွာ
တန်းတူဆက်ဆံတာ
တန်းတူညီစွာဆက်ဆံရေး
မျှတကြစို့လေး
မနီကလေးထမင်းဆာ
လယ်တောဆီကိုလာ
အားလုံးကိုပင် ကူညီလို့
စာနာတတ်သူမို့
မစံပယ်လေး စိတ်ထားဖြူ
လိုအပ်သူကို အမြဲကူ
ပြောလုပ်နှစ်ပါး ရှေ့နောက်ညီ
ကတိသစ္စာတည်
ငယ်ရွယ်သူကို သူသနား
ကြီးသူကိုလေးစား
လိမ်တာညာတာမြဲရှောင်ရှား
မှန်ကန်တဲ့စကား
မနီကလေးချွေးစိုစို
ဇရပ်ရိပ်မှာခို
ရိုးသားဖြောင့်မတ်တည်ကြည်ပါ
ယုံကြည်အားကိုးရာ
လူ့ဂုဏ်ရည် ရင်မှာကိန်း
ကိုယ်နှုတ်မြဲစောင့်ထိန်း
တို့တတွေလည်း သူ့ကိုသာ
အတုယူရမှာ