ရိုးသားဖြောင့်မတ်တည်ကြည်ပါ
ယုံကြည်အားကိုးရာ
လိမ်တာညာတာမြဲရှောင်ရှား
မှန်ကန်တဲ့စကား
ပြောလုပ်နှစ်ပါး ရှေ့နောက်ညီ
ကတိသစ္စာတည်
လူ့ဂုဏ်ရည် ရင်မှာကိန်း
ကိုယ်နှုတ်မြဲစောင့်ထိန်း
မျှတသူလေး မယ်သစ်လွင်
ဘက်လိုက်မှု ရှောင်ကြဉ်
အားလုံးကိုပင် ကူညီလို့
စာနာတတ်သူမို့
တို့တတွေလည်း သူ့ကိုသာ
အတုယူရမှာ
တန်းတူညီစွာဆက်ဆံရေး
မျှတကြစို့လေး
မစံပယ်လေး စိတ်ထားဖြူ
လိုအပ်သူကို အမြဲကူ
ငယ်ရွယ်သူကို သူသနား
ကြီးသူကိုလေးစား
သူငယ်ချင်းများတူညီစွာ
တန်းတူဆက်ဆံတာ
ကိုယ်ချင်းစာကာ မေတ္တာပေး
နားလည်တတ်သူလေး
မနီကလေးပန်းပန်ချင်
ပန်းဥယျာဉ်ကိုဝင်
မနီကလေးထမင်းဆာ
လယ်တောဆီကိုလာ
မနီကလေးချွေးစိုစို
ဇရပ်ရိပ်မှာခို
